Isang gabi
Pa lamang tayong nagkakasama
Isang gabi
Nguni't para bang kay rami nang buwan
Ang nakalipas

Isang halik
Mo lamang sa mga labi kong sabik
Isang halik
Sapat na para mahuli ko ang 'yong kiliti

Sa pag-uwi hindi pa rin malimot
Ang 'yong mga ngiti
Hindi na makatulog
Parang kalul'wang 'di matahimik
Naghihintay ng bukas

Dahil sa isang gabi kapiling ka
Ako ngayo'y naiinip sa 'ting muling pagkikita
Dahil sa isang gabi kapiling ka
Ako ngayo'y naiinip sa 'ting muling pagkikita

Isang mukha
Na buhay sa aking alaala
Isang paglimot na 'di ko magagawa
Isang kahapon
Na para bang isang panaginip
Isang kahapon
Sana'y maulit muli