Chorus
Keli é nha revelação
Sem bó, in ká tem inspiração

Rap (Layzie Thug's) 1ª parte
Keli é nha revelação
Sentimentos ki stá bem
Di fundo di nha coração
Fica tá sabi ma és
letra in ká escrebél em vão
Aliás in escrebél ku carinho
Ku objectivo de bai pa frente
Acompanhado ou sozinho
Na vida kin stá vive
In tive ki escodji nha caminho
Embora tudu dia, in pidi Deus na céu
Pá abençoa nha mai
Um di kés pessoa ki sempre
Dam moral pan subressai
Apesar din stá chinti falta
Di nha falecido pai
Pá mi, abó é midjor, mai dés mundo
Ku és situação kin sta vive
Sin ká tivesse bó
Hoje in staba moda um vagabundo
Por isso, in sá dedicou és canção
Ku sentimentos ki stá bem di fundo
Di nha coração
É um sentimento bem profundo
Ki ká tem comparação
Di tudu kuzas ki bu fazem
Nunca in ká tá consegui compensou
Nha mai ami in tá amou
Abó é nha mi querida?

Chorus
Keli é nha revelação
Sem bó, in ká tem inspiração

Rap (Layzie Thug's) 2ª parte
Keli é nha revelação
De um sentimento bem profundo
Ki maguam nha coração
Sinceramente, in ká sta esperaba
Ma bu tá tomaba és decisão
Apesar de bu dexam
Fica tá sabi ma nha amor pá bó ká foi em vão
De kuzas ki bu fazem
Podi tem certeza ma djam esqueci
Aliás in ká mereci
Entom é pá keli ki bu flám
Ma namorado é só atraso ki tá dou
Gosi ki djá bu ranja bu puto
Bu stá dá show
É ká maldade nou
In tá ruspeta bu decisão
Apesar de maguam nha coração
In ká leba mal
Aliás é normal
In ká tem vergonha di fazi és revelação
33 ano, keli ké nha idade
Djám passa fazi de puberdade
Si bu ká sabi bá tá fica tá sabi
Ma nha responsabilidade
Na alcança nha objectivo
É puro realidade
Ki ku 15 ano di idade
Djám tinha atingido nha maturidade?



Chorus
Keli é nha revelação
Sem bó, in ká tem inspiração

Rap (Layzie Thug's) 3ª parte
Baby, obrigado pa tudu kuzas ki bu fazem
Baby, in sta feliz pamodi bu pum ser outro alguém
Baby moda bó, in tem certeza ma ká tem
In ta felicitou
Pa decisão
ki bu pum toma nha vida
In ta felicitou també pamodi
Bu pun toma medidas
Na nha momentos necessário
Por isso, parabéns é ká pamodi bu aniversário, nou
Mas sim pamodi bu libertam dés mundo imaginário
Keli é puro realidade
Sinceramente, in ká sta em busca
Di segundo oportunidade
Mas simé, in tá desejou felicidade
Sin ká for ku mi
Entom bu ser feliz
Ku alguém ki bu tá ama de verdade?

Chorus
Keli é nha revelação
Sem bó, in ká tem inspiração