Ave Mater qua natus est orbis Pater, o María
Nato nata, semper grata
illibáta, o María
Ave mundi dómina, Evae solvens crimina
o María
Ave sidus régium, gignens Dei Filium
o María
Ave caeli régia, plena Dei grátia
o María
Ave porta caelica, tibi laus angélica
o María
Ave Dei thálamus, myrrha, thus et bálsamus
o María
Ave sponsa sóphiae, nos refórmans grátiae
o María
Ave fons justítiae, orígo mundítiae, cella pudicitiae
o María
Ave virgo vírginum, mediátrix hóminum
munda culpas criminum, o María
Ave puérpera, lapsos de vípera
reduc ad aéthera, o María
Candens flos lilii
loca nos ad pii déxteram
Filii, o María