Wo Du geahsch, wo Du steahsch
Du siechsch nur no Schåtta, ålles isch für Di so fieschter
Wås Du tuasch, wohin Du muasch
überåll nur Schåtta, Du siechsch ålles grau und düschter

Wås isch denn los mit Dir? Liegt's an Deina Linsa?
Liegt's an Deina Sunnabrilla, oder an Deim Herz?
Wås isch denn los mit Dir? Siechsch mi då doch grinsa
Reiß jeden Schleier weck und måch's wia i:

I låss Sunna inni
und sie füllt mei gånze Seele mit viel Sunnaschei
I låss Sunna inni
i möcht stråhlend hall so wia a Sunna sei
I låss Sunna inni - so nur bin i salber Liacht
I låss Sunna inni - so nur gwinn i! Sunna in mei Herz

Und dånn måch i d'Åuga zua, drah den Kopf i'd Sunna
Liacht dringt durch dia Augalider
Då kriag i går nia gnua, jedem möcht i's gunna
ålba mehr und ålba wieder

Wenn dånn der Herbscht kimmt mit seim Novemberrega
låss i d'Sunna wieder außi, und steck ålle o
Nur wer zerscht nehma ko, kånn o wieder geba
Und wer des Brenna in sich fühlt, der stråhlt

Mit der Sunna leb i guat, durch dia Sunna hån i Kråft
Mit ihr geaht s'Leba weiter, geaht s'Leba ålba weiter