As vrouger tram van Groot Maart
Vertrok noar Potterwol
Om minsen te brengen noar t grode Meer
Din was tram tjokvol
Dou was t nog rusteg in de stroat
Nog nait zo drok as nou
Mit al joen vrunden in de tram
Je òllen ook òf en tou

Potterwol, mooi Potterwol
Dat dörp mit joen schier Meer
Minsen kommen der nog aaltied groag
Moar mit tram lukt dat nait meer

Hai ree dou via Herestroat
Over Hereweg noar Hoaren
t Laip wel vief ketaaier in t uur
Je mos geduld bewoaren
t Dörp van weerman Pelleboer
Bie t gròs nog wel bekend
Mit speultoen en met kettengbrug
En sums n ijscotent

Mit waaineg doemkruut toch noeit kloagen
Minsen haren de grootste lol
En soavends weer mit tram noar hoes
Netuurlek weer tjokvol
As ik aal dij verhoalen nou heur
Van vrouger en ook van t heden
Din maark ik dak in dizze tied
Goun mis van het verleden