Ik heb die veur t eerst doar zain
Bie t meulenhoes aan t Raidaip
Aal zundoagen kwam ik die doar tegen
As k mit mien hondje laip
En as k ook mor glimp van die opvongen haar
Din kon ik der weer n week tegen
Mor ik bin bromsterg op miezulf
k Bin ja doodschoonverlegen

Op boot van mie doar is nog plek
Veur n wichtje zo as die
Mien schipperske voar mit mie oet
Zeg ja, k hol zo van die
Wie voaren aal daipen en graften deur
Hail Grunnen loat ik die zain
Het is al tieden mien grootste wens
Aigen 'love-boot' veur ons allain

Toch heb ik mie nou zulf beloofd
Toukommend keer spreek ik die aan
Ik wil die beter kennen leren
Mien laive, laive Sjaan
Ik dreum dak mit die allinneg ben
In t vronder van mien schip
Wie kniepen der mit zien twijen tussenoet
En moaken een mooie trip