Veujoar, toene snuid
Bloumen dij stoan in knop
t Hoes dat is ook haildal vaarfd
En genotter ik volop
Klok gaait n uur in t veuren
Wie hebben zummertied
Schoapen dij loppen mit heur jonk
Te waaiden op uterdiek

Zummer, blaauwe lucht
Vekaanzie staait veur deur
Heumennen dommit achter rug
De toen ain bonte kleur
t Roapzoad staait in volle blui
t Gruit op beste grond
Stiltjes zwemmen in graacht
Bie börg Verhildersom

Haarst, doagen begunnen te körten
Vroug donker weer op stroat
Klok gaait weer n uur trug
t Is zo gaauw weer loat
t Regent laankwielig t holdt nait op
Mor t laand dat lust wel wat
Zummer dij was ja zo dreug
Wie hebben ja nog niks had

Winter, stamppot mous
Snijkerel van formoat
De daaiern dij stoan weer op staal
En t is glad op stroat
Veul feestdoagen in decembermoand
Nijjoar duurt nait meer laank
Heb nog evenpies geduld
t Veujoar komt eraan

Veujoar, toene snuid
Bloumen dij stoan in knop